下午既一聚

我同你今日又去了仙跡岩打等,
各自點了一兜飯和一壺暖奶茶。

我話我最近好失落, 一輪嘴頹tone訴說抱怨,
講到自己好鬼討厭人群。
你粒聲唔出咁聽我說話, 偶爾講講自己睇法,
留意著窗外有幾多人亂過馬路。

你話我好鬼矛盾, 諗咁多無謂野, 自己又唔去改, 又要去抱怨;
我都話自己矛盾, 諗好多傷心野, 自己又唔抽離, 又要去呻sad。
你繼續話我矛盾, 覺得自己寂寞, 自己又唔埋堆, 又要去埋怨;
我都知自己矛盾, 覺得自己格衰, 自己又唔改下, 又要玩自戀。

食完飯大家去了買聖誕禮物, 之後講拜拜,
十分鐘後更收到你sms叫我得閒揾你。

我諗我都幾似嬉皮士, 一味係度懶出世,
唔鐘意呢度咁多限制, 一味係度反主流。
今晚聽收音機亞P話他們係無政府主義, 心裡有種滾動;
我們都係崇尚虛無主義同熱愛草根野。